Ahabwenki nikintwarira obwire kutwara enda?

ABAKAZI abamwe abatakazaire n’abazaire nibaaba nibenda kuzaara kwonka enda eyanga kuheza obweire batari kutwara. Nibatandika kwerariikirira barikuteekateeka ekyakubaasa kuba kibabaireho.

Omushaho Ndiwalana Billy naagira ngu obutaza munshonga buri kwezi nikyo kimwe ahabirikureeta ekizibu eki;

Ebindi ebirikureta ekizibu eki ni;



Abakazi bamwe beine asidi y’amaani omu m’amaizi g’ekihama ekirikwitiraho amaizi g’ekishaija agari kuzaara gatakahikire mahuri.


Enshekye z’omukazi kuba zaine obuzibu nari zihendekire ahabw’endwara nk’ez’obushambani nakyo nikiretera omukazi kusiibaho kutwara.


Obutafari bw’omubiri obutingana ahabw’ebintu bitari bimwe nka waaba ori ahamibazi y’endwara z’amaani nka kansa, erikuretera obutafari by’omubiri bwa burabura nari okukozesa obujuma bw’okubaririra ruzaaro.


Okuba otuubire ninga ogomokire munonga nakyo kibaasa kuretaho okasiibaho kutwara enda.


Nyin’enda okuba eine obuzibu, ekuzire hamwe n’okuhika aha myaka y’obutazara juba nka 30-35 nakyo nikireetera watwara obwire kugira enda.


Omukazi baaba bamushobiizeho akirimuto haza omunda omubukazi bakabwata nari bakakozesa amaani mingi bukagira obuzibu, kibaasa kumuretera kusiibaho kuzaara.


Okuteeba kubi. Omushaija namunonga yaaba natambura munonga atarikutuura n’omukazi we, abaasa kuremesibwa kumukwasa gye arugire omu micwe.


Omukazi kuba aihirwemu orushekye ahabw’enshonga zitari zimwe nakyo nikireetera yatuuraho kutwara enda n’ebindi.

Ebi byona nibireetera omukazi yaheza obweire buringwa arikwenda kutwara kwonka bikiremire.