Noomanya ekihama ekiri omu mababi ga muhogo?

NOOMANYA ngu amababi ga muhogo gabaasa kukutambira?Omushaho Edward Kazaire naagira muhogo erimu ebiriisa bingi munonga kandi nigahwera nk’oku arikworeka ahaifo.

Orikuteerwa omutwe waashekura amababi okagajungajunga okateeka ogiisiremu n’etangahuuzi bwanyima okagyegyena okanywa omutwe nigukira.

Amababi ago nigatamba amaguru agarikushasha hamwe n’engingo z’omubiri.

Endwara y’ekiirukano neetambwa amababi gaamuhogo waaguma noonywa ogateekiire omumaizi.

Nigongyera amaani omumubiri namunonga waaguma nonywa ogiisiremu obwoki nibikora kurungi.

Ekindi, amababi ago agateekire nigatamba enjoka z’omunda omubakuru n’abato waaguma noobinywa.

Amababi agakiri mato nigakora nka eby’okurya ebindi.

Noogarya ota?

Obaasa kubiteekyera omu kigyere ky’ente ‘murokoni’ nari kubiteekyera ahaiguru y’eby’okurya nka emboga z’ekiiraguju okarya.

Beitu omushaho naagira ngu amababi gaamuhogo garimu ekirungo kya cyanide kingi okukira ahakiri omu muhogo yenyine ngu kwonka nikikyendeera waagateeka. N’ahabw’ekyo, otagarya gari mabisi.